October velah Dalai Lama Arunachal-ah

Dalai Lama, Tibet spiritual leader chuan kumin October-November thlaah Arunachal Pradesh a tlawh dawn tiin Chief Minister Pema Khandu chuan a sawi a.
Chief Minister chuan, “Remna apostle, khawngaihna lantirtu, finna tuipui, 14th Dalaia Lama nena inkawmna kan neih theih avangin ka lawm a ni” tiin a sawi a. “His Holiness chuan kumin October-November velah Arunachal tlawh a tum a State leh mipuite tana malsawmna ka ngen a ni,” tiin a sawi.
Khandu chuan khawi hmunah nge kum 87 a upa Tibet spiritual leader chu a chhung te nena tlawha an hmuh a sawi lang duh lo thung a.
Hetihlai hian tualchung mite chuan kar kalta Inrinni khan Tawang ah tun hnaia Dalai Lama tihmelhem thei video social media-a nasa taka thehdarh chu duh lovin lungawilohna an lantir thung.
April 2017 khan Dalai Lama hian ni 12 chamin Assam leh Arunachal Pradesh a lo tlawh tawh a, China-in la na hlein a thinrim hle thung.
Beijing chuan tun hnaia Home Minister Amit Shah an Arunachal Pradesh April 10-11 a Vibrant Villages Programme (VVP) hawnga Anjaw district a Kibithoo khua a tlawh pawh an duh loh thu an lantir a. He khua hi China leh Myanmar te nena inrina bul lawka awm a ni.
Amit Shah an Arunachal Pradesh a tlawh China-in a duh loh thu sawi ve ngawt chu Indian minister leh political leader te chuan an sawisel nasa hle thung.