Opposition hruaitu lawk ten meeting nei

Nationalist Congress Party (NCP) chief Sharad Pawar chuan October 6 khan Congress president Mallikarjun Kharge bakah Rahul Gandhi te chu hmu in Mumbai a August 31 leh September 1 a inhmukhawm hnuhnung ber opposition alliance INDIA kalpui zel dan tur an sawiho nia sawi ni.
Opposition bloc te chu Mumbai a meeting neih hnuah an la inhmukhawm lo va, an inhmukhawm vat dawn tia sawi a ni a.
Hruaitu lawk pathumte chuan politics dinhmun sawihona neiin leh alliance hmathlir te an sawi ho va, Lok Sabha inthlan leh Assembly inthlanna neih turah BJP te paihthlak dan tur an sawiho bawka meeting hian 40 minutes vel a awh a ni.
Hei mai bakah hian INDIA bloc meeting neih leh hun tur pawh ruahmanna an siam fel tia sawi a ni bawk.
Kharge chuan a hnuah meeting picture tichhuakin, “Vawiin hian Shri Rahul Gandhiji nen NCP President Shri Sharad Pawar chu mipui te aw tihsan zel dan ngaihtuahin kan sawiho” tiin X ah a post zui a ni.
“Harsatna tin hmachhawn turin kan inpeih” tiin INDIA bloc te tagline – ‘Judega Bharat, Jeetega INDIA (India will unite, INDIA will win) tih chu a post tel bawk.
Pawar pawhin meeting picture X ah post in, “A chennaah INC President MP Malikarjun Kharge ka hmu a. MP Rahul Ganhi, NCP MLA Jitendra Awhad leh Gurdeep Sappal, INC CWC Member te pawh an tel ve,” tiin a post zui bawk.
Zirtawpnia sawihona an neih hi INDIA alliance tena Bhopal a October thlaa joint public meeting neih an tum an thulh hnua neih a ni a. Bhopal a ruahmanna siam chu ‘Sanata Dharma’ chungchangah DMK leader te Udhayanidhi Stali tena an thusawi avangin Madhya Pradesh Congress chief Kamal Nath an a dodal avangin thulhin a awm a ni.