Opposition tang rual INDIA hming tu rawt nge?

Benglauru-a Opposition party inhmukhawm 26 te chuan “INDIA” – Indian National Developmental Inclusive Alliance tih hming phuah a nih theih nan ni hnih chhung hun an hmang a.
Congress leader te chuan Rahul Gandhi idea a nih thu sawiin Congress te chuan meeting neih hmain an thawhpui party te hnenah rawtna an lo siam lawk an ti.
Gandhi thachhangdawltu Congress leader KC Venugopal chuan a hmain Derek O’Brien, leader of Bengal Chief Minister Mamata Banerjee’s Trinamool Congress te nen a titipui lawk a ti a.
Opposition meeting neihnaah Mamata Banerjee chuan alliance hming atan chuan “INDIA” tih chu a rawt ta a ni tih a ni a. Party dang te pawhin hming hrang hrang an rawt tho a.
Bihar Chief Minister Nitish Kumar chuan India Main Alliance (IMA) or India Main Front (IMF) tih a rawt a.
Nitish Kumar chuan INDIA tih chu NDA (National Democratic Alliance) tih nen inzul teuh a ti a. INDIA tih chu political front hming atana hman a rem dawn em ni a ti bawk tia sawi a ni a.
Congress Tamil Nadu ally Viduthalai Chiruthaigal Katchi (VCK) te chuan Save India Alliance an rawt thung a.
Left parties te chuan We for India alliance rawtin mahse party dangte chuan slogan a ang lutuk an tihsak thung tih a ni bawk a.
Ngun taka rei tak ngaihtuah a nih hnuah “INDIA” tih chu pawm tlan a ni ta tia sawi a ni.
A tawp berah Rahul Gandhi-an thusawina neiin INDIA tih chu hman ni se a ti a. Opposition te chuan “INDIA vs NDA” narrative an siam thei ang tiin a sawi a. A hnua press briefing a neihnaah pawh “Modi versus I.N.D.I.A” a ti zui ta reng a ni.
INDIA tih chu a tirah chuan Indian National Democratic Inclusive Alliance tih zet a ni a. Mahse, party thenkhat ten National Democratic Alliance tih nen a inzul em mai tiin an sawi sel a.
Hruaitu thenkhatte chuan ‘democratic’ tih chu ‘huapzo’ tihna niin sawi nawn ngai lo ti bawkin a tawpah INDIA tiha ‘D’ chu ‘developmental’ tia thlak a ni ta a ni. A tirah hruaitu thenkhat ten ngaih pawlhin a thein ‘democratic’ an ti a, a thenin ‘developmental’ an ti ta nuai a ni.
Opposition te INDIA hnuah lawk hian Prime Minster Narendra Modi chuan NDA tihlen ni se tiin – “New India, Developed Nation, Aspiration of People of India” tih tur a ti zui bawk.