Osaka-i’n nau a nei

Osaka-i’n nau a nei
Tennis Star – Grand Slam-a vawi lo champion tawh Naomi Osaka chuan nau a nei tih WTA in an puang.
Kum 25 mi Osaka hian January thla khan nau a pai tih puanzar a ni a. A kawppui hi rapper Cordae niin fanu an nei tura beisei nghal a. Tluang taka a pai hnuin thawhlehni khan naute duhawm tak an nei ta a ni.
Japan nula Osaka hi Grand Slam-ah vawi li champion a, a vul viau hnuin hliamin a tibuai a, inter-view a hmachhawn duh loh vanga buaina a neih zui hnuin a hnungtawlh chak viau a, World No 436-ah a tlahniam hial tawh. Nau a pai vang hian inelna a hmachhawn lovin a chawl a, inelna a hmachhawn hnuhnun ber chu September, 2022 kha niin Pan Pacific Open a hmachhawn. Grand Slam-ah a champion hnuhnun ber chu kum 2021-ah Australian Open-a a champion kha a ni.
Naute duhawm tak nei a, nu ni thar Osaka hian Paris Olympic 2024-ah champion ngei a duh thu a sawi.