PAHOSS sum nuai 4000 chuang K.Deposit-ah dah

Mizoram sawrkarin traffic jam tih ziaawmna tura a ruahmanna zing ami, Parking House Suppport Scheme (PAHOSS) hnuaiah cheng nuai 6000 chuang sanction in, tunah K. Deposit-ah cheng nuai 4000 chuang a la awm.
UD&PA changtu deputy chief minister Tawnluia chuan PAHOSS hi chief minister Pu Zoramthanga duan leh ruahman a ni tih a sawi a. Kum 2019 atanga bul tan niin, 2022 thleng khan he scheme hnuaiah hian Parking House 17 sak zawh tawh a ni a, tanpuina sum pawh pek vek tawh an ni tih a sawi. Parking House sak zawh tawh zinga 11 chu hawn tawh an ni a, tangkai taka hman an ni, tiin a sawi.
Deputy CM sawi danin, PAHOSS hnuaiah hian LMV pakhat emaw two-wheeler paruk emaw park theihna zelah cheng nuai khat zel tanpuina pek thin a ni a. PAHOSS tanpuina sum hi instalment thuma pekchhuah thin niin, 1st installment-ah zaa 40, 2nd installment ah zaa 30 leh 3rd installment-ah zaa 30 a ni.
PAHOSS tanpuina hi a vaiin cheng nuai 1134.50 pek chhuah tawh niin, 1st instalment 139 hnenah nuai 887.60, 2nd instalment ah mi 48 hnenah nuai 201.30, 3rd instalment-ah mi 17 hnenah nuai 45.60 a ni.
PAHOSS sum hi a vaiin nuai 6139 sanction niin, tunah K-Deposit ah nuai 4987 a awm a ni.