Pak atanga thunun mi sual pawl hai chhuak, mi pathum man

Delhi Police Special Cell chuan Pakistan-in a puih ni ngeia an hriat firfiak inthlunzawm, mi sual atanga mi firfiaka inlet, tuna thenawm rama awm mek, Shahzad Bhatti-a kaihhruai an hai chhuak tih Pathianni khan an puang.
Police hian Punjab, Madhya Pradesh leh Uttar Pradesh atangin mipa pakhat theuh an man a, an kut atang hian semi-automatic pistol, a mu 10 leh mobile phone, a chhunga an inbiakna leh video rinhlelhawm tak tak an man tel tih Additional Commissioner of Police (Special Cell), Pramod Singh Kushwah-a’n a sawi.
“An pawl hi November 25-a grenade hmanga Punjab-a Gurdaspur City Police Station beihnaah telin Bhatti-a thupeka che an ni a. Bhatti-a hian Pakistan atangin mi dang hriat ve theih loh leh social media channel hmangin a thunun a ni,” tiin ACP Kushwah-a chuan a sawi.
“Mi mante hi Betu tia koh, Vikas Prajapati (19), Datia, Madhya Pradesh; Gurkaranpreet Singh tia koh, Hargunpreet Singh (19), Firozpur, Punjab leh Arish tia koh, Asif (22), Bijnaur, Uttar Pradesh an ni,” a ti.
Bhatti chet velna an chhui a, online-a mi a biakte an chhui hnuah an man chhuak tih a sawi bawk.
Ralthuam tawlh thubuai nei, Prajapati-a hian Bhatti-a hi social media-ah a bia a. A awmna hi Gurdaspur leh Delhi inkarah a sawn reng a, Bhatti-a hian chhui a nih theih loh nan a cellphone pawh off turin a ti thin niin officer hian a sawi.
“Prajapati-a hi ni hnih kan zawn hnuah Madhya Pradesh-ah kan man a. Thu kan zawhnaah an chet velna hi a sawi a, Bhatti-a leh Pakistan-a a thawhpuiten social media atangin Indian thalaite hmin an tum a, pawisa leh thil dang an tiam a ni,” a ti.
An thawhpui tur chu an nihna hrang hrang enin an la a, lawmman pawh digital-a inpein firfiaka chetna tur an ruahmana hma lo hruaitu atan an hmang tih officer chuan a sawi.
Prajapati-a hian Bhatti-a hi online-a a mizia a ngainat avangin social media-ah an inbe zui tih a sawi.
Bhatti-a hian Prajapati-a hi Gurdaspur-ah grenade leh ralthuam dang dawng turin a ti a. A thupekin city police station leh Amritsar-a Town Hall Police Station an bei a ni.
Thu an zawh fiahnaa pawl 2 pass chhuak, Hargunpreet-a chuan grenade hmangin November 25 khan city police station an beih thu leh motorcycle-ah mi dangin phurin an bei tih a sawi.
Asif-a hi social media kaltlang thova dawr niin grenade hmanga Punjab-a che tura tih a ni a, a hmunhhma vel leh thlalak pawh Bhatti-a hian a pe vek tih officer chuan a sawi.
Police hian an thawhpui dang leh zawm dang an la nei em tih an chhui zui mek zel tih ACP Kushwah-a chuan a sawi.