Pakistan-ah mi 35-in nunna chan

Khawvawt lutuk leh ruahsur nasa bawk si bakah beiseiloh lutuka vur sur vangin Pakistan hmun kilkhawrah mi 35 in nunna an chan.
Nunna chan zinga sawm hnih pahnih chu naupang an ni a, a tam zawk te chu leiminin an chenna in a hnawl avang a nih thu disaster management authority te chuan an sawi.
Pakistan hmar lam leh khawthlang region chu extreme weather in a tuam mek niin hei vang hian kawngpui tam tak te tihchhiat niin chenna in tam tak tihchhiatin a awm bawk.
Mithiam te chu vur tla chuan a barakhaih hle a, a bi takin March thlaah tawh chuan Pakistan ah vur a sur ngai tawh loh vang a ni a.
Mushtaq Ali Shah, Pakistan meteorological department director hlui chuan vur tla chu climate change avanga thil inthlak danglamin a hrin a ni a ti.
Hail storm nasa lo tak minute reilote daih te chu ni se thil awmlo pawh a nih lohna chen a awm a, mahse, minute 30 chuang lai a awh avangin thil a danglam zia a tarlang a ni tiin a sawi.
Hajit Shah, north-western Khyber Pakhtunkhwa province a Kirk district a cheng chuan a dam chhungin tum khat chiah vur tla a la tawn thu a sawi a.
“Ka hriat chinah kum 25 emaw 30 vel kalta khan vur tlem a sur chu zawng chu ka hriat a ni” tiin a sawi a.
Ruahsur nasa chuan chenna In 150 chuang tichhe vekin a thenlai a tihchhiat 500 chuang a awm bawk a, heng te hi Khyber Pakhtunkhwa leh south-western Balochistan province a thleng vek a ni.
Ni tam tak chhung chu district thenkhat chuan electricity an nei tawh lo bawk a. Khyber Pakhtunkhuwa provincial governor chuan heng chhiatna thlenna hmunah te hian relief supply an pek thu leh nunna chan leh hliam te hnenah zangnadawmna leh tanpuina an pek tur thu a sawi.
Pakistan meteorological department chuan khawvet leh ro bawk si chuan tunkar chhung a la awh dawn tiin an sawi a, Balochistan leh Kashmir hmun thenkhatah chuan vur a la tla thei dawn an ti bawk.