All India Congress Committee ‘AICC 85th Session’, Raipur Chhattisgarh-a tel MPCC president Lalsawta party hruaitu dangte chu Congress Thalaiin Thawhtanni khan Lengpui Airport-ah an lo hmuak.
A hmuaktute hmaah MPCC president hian hmun danga kalin rualawh a na thin tih sawiin, “Mizoram siamthat hi kan thei rengin kan hre si a, chuvangin rualawtin kan lo haw. Inthlan kum a ni a, theihtawpin kan ti anga, thalaiten theihtawp in thawh anga, kan ram siam tur hian thil harsa a awm lo,” a ti.
Mizote thil zir chak tak kan ni a, ram tana tha lo kan hria tih Lalsawta hian a sawi a. Anmahni mai bakah kohhran leh NGO zawng zawng duh loh leh Pathianin a duh loh kan hria tih a sawi. “Huai takin, min puitu tur a phena awm hi an tha em a, kan sawrkar ngei theihna turin theihtawp kan chhuah dawn a ni,” tiin, mipui ngaihtuah dan ber kan tihdanglam chuan a hausa leh neinung ringawtte ram hruaitu atana dahna rilru chu siam danglam theih a nih a beisei tih a sawi.
AICC 85th Session-a tel Congress Thalai president Dr Lalmalsawma chuan BJP sawrkarna hnuaiah India ram hmun hrang hrangah Kristiante nekchepna a punlun hle tih a sawi a ni.
Party intawhkhawma kalte hmuak
Get real time updates directly on you device, subscribe now.
Next Post