Pathianin min suihkhawm a tum – MJA president

Hmun hrang hranga cheng Zofate harsatna tawh chu Pathianin min suihkhawm a tumna hmanrua nia a lan thu Mizoram Journalists’ Association president C Lalrambuatsaiha chuan a sawi.
Thawh\anni khan Dr Roluahpuia lehkhabu ziah ‘Nationalism in the vernacular: State, Tribes and the politics of peace in Northest India’ tih chu MJA Gen. Hqrs. president hian a tlangzarh a. British sawrkarin Mizote chu India, Bangladesh leh Burma ah te min \henhrang a, hmun hrang hrangah awm mah ila Pathianin tum a nei nia a hriat thu a sawi.
“Burma buaina avang leh Bangladesh buaina avangin mi tam tak an ‘inpui’ Mizoramah an rawn tlanlut a. Tunhnaiah Manipur buaina avangin mi tam tak an ‘Jerusalem’ ah an rawn lut bawk a. Heng mite hi sawrkar leh mipui ten duat taka an lo tuamhlawm hian inpumkhatna kawng kan zawh tih a entir niin ka hria,” a ti.
Zohnahthlak zawng zawng chu nuai 30 emaw vel lek kan ni a, hnamdang ngaihtuah chuan kan la tlem hle tih C Lalrambuatsaiha hian sawiin, “Hetih karah inseh neuh neuh kan awm thin a, hei hi Pathian hian remti loin, kan pumkhat zelna atan kan unaute harsatna tawh hi min hruaikhawm tumna hmanruaah a hmang dawn niin ka hria,” a ti.
Lehkhabu ziaktu Dr Roluahpuia chu mi lehkhathiam thei tak a ni tiin, harsatna tam tak patlang leh chumi in a chherhriam chu a ni tih a sawi. Hetianga Sap tawng ngeia lehkhabu a ziak chu chhuanawm a tih thu a sawi bawk.