Pawisa khawn lo turin hrilh

Pawisa khawn lo
turin hrilh
Aizawl district huamchhungah pawl emaw mimalin emaw state sawrkar hriatpui loin state dang lirthei atangin pawisa khawn/ laksak lo turin district magistrate chuan mitin a hriattir.
Aizawl district magistrate hriattirna tihchhuahah, state Home department thu tih chhuah tawh angin Mizorama lirthei lut hnen atangin mimal leh pawl thenkhatten pawisa an laksak /khawn thin tih hriat a ni tih a sawi a. Sawrkar remtihna lo leh danin a phut ang niloa pawisa inlaksak /khawn hi BNS 2023 Section 308 Sub-Section 2 tarlan angin kum 7 lung in tan emaw pawisa chawitir emaw, a pahnih emawa hrem theih a ni tih a sawi.
Aizawl district huamchhungah pawl leh mimal angin state sawrkar hriatpuina loin lirthei khalhte hnen atangin pawisa an laksak/khawn lo tura hriattirin, ti lui an awm a nih chuan dan tarlan hmang hian hrem an ni dawn tih a sawi a ni.