Ram leh hnam thatna turin dan palzut chin neih a ngai tih PC president Vanlalruata chuan a sawi a. An sawrkar a nih chuan zuchhia tih bo nan zu tha lei tur a awm dawn tih a sawi.
PC office bearers thutkhawmah Vanlalruata chuan PC party-in ram hruaina kawnga an hmalakna turah ram leh mipui tana tha zawk leh mil turin dan palzut chin an nei dawn tih a sawi. ”Sawrkar laipuiin rampum behchhana dan a siam hi kan ram, hnam leh sakhaw tana himna tiderthawng thei thil a awm a nih phawt chuan palzut chin emaw a ram leh mipui duhdan mila siamrema ennawn a ni ang,” a ti.
Zu chungchang dan siamtha in zuchhia an tibo anga, a mamawhtute tan zu tha lei tur kan awmtir dawn tih a sawi a. Reserve Forest thenlai chu ram tana hmasawnna liantham (infrastructure) tluang taka kalpui theihna atan de-reserve a, dan thenkhat palzutin Aadhaar Card neilo sawrkar hnathawkte hian card neite hamthatna dawn zawng zawng an dawng dawn tih sawi.
Rental Act siamthat bakah Law Commission nuaibo a, dan thar siama Directorate of Prosecution dinin, thubuai hrang hrang chinfel chak a nih theihna’n Fast Track Court din a ni dawn tih a sawi bakah dan dang tam tak siamrem tur a awm tih a sawi.
PC a sawrkar chuan zu tha lei tur a awm ang – PC president
Get real time updates directly on you device, subscribe now.