PC-in NTUM office tlawh

PC party hruaitute chuan senior vice president Lalrinzuala Chawngthu kaihhruaiin Nilaini khan National Trade Union of Mizoram (NTUM) office Upper Khatla an tlawh.
NTUM president C Remtluanga chuan Labour Law tha tak tak kan neih chu private sector/ firm hnuai leh a bikin unorganised sector hnuaia thawkte tan a taka hman an duh thu leh hmalakna pawh kawng hrang hranga an neih thu a lo hrilh a, a lehlamah dodalna a awm leh thin avanga lunghnur thlak a tih thu a sawi a ni.
PC senior vice president chuan NTUM thahnamngaihna leh hmalakna fakawm a tih thu sawiin, a bulthut lama hnathawktu, an hnathawhna lama hamthatna leh inhumhimna neiloten danin a phut ang taka an dikna chanvo an chan theihna tur leh, hnathawktu leh a chhawrtute inkar bakah an hnathawhna hmunhma thlenga dan behchhena hna an thawh an duhsak pui tih a sawi. Shops and Establishments Act a taka sawrkarin a hman loh chu a taka hman an thlakhlelh thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More