Pensioner-ten CM nghak

Pensioner-ten CM nghak
Mizoram sawrkar hnuaia thawk thin pension tawhte chuan health care kaihhnawihah chief minister an la hmu thei loa, hmuh theih hun an nghakhlel tih an sawi.
Mizoram Civil Pensioners’ Association thuchhuak chuan, health care scheme chungchanga sawrkarin an chungchang a duan dan ngaihtuah tura an din – Working Committee on MUHCS 2.0 chuan, hun a dil angin Home minister leh Health minister-ten anmahni nen sawihona hun siamsak turin beiseina sang tak an nei tih an sawi.
MUHCS 2.0 hnuaia inziahluhna hun a chep dan leh harsatna enho duh lai an la neih avangin, hunin a liampui mai an hlauh avanga May 15 thleng hun pawhsei dilna an thlen tih hlawhtlin a nih avangin lawmawm an tih thu an sawi a. Hun hawn belh chhung hian an harsatna sawiho ngei a nih an beisei tih an sawi.
Chief minister erawhin hun an dil angin a la siamsak thei lo nia sawiin, ‘Hun neihpui thieh hun kan nghakhlel hle a, beisei takin kan nghak mek. Kan harsatna hi chinfel emaw a nih a, hunbi tiam chhunga member-te kan inziahluh fel ngei theihna turin sawrkarin hma a lak kan beisei a ni,’ a ti.
An thu khel mek chu eng political party mahin politics kaihhnawihah ngaihsak lo se an duh tih a sawi.