Phaitualah Mizo karate team duai lo

Tunthla May ni 25-26 chhunga Nashik, Maharastra-a khelh zawh tak
22nd WTSKF National Karate Championship 2024-ah Mizoram Karate Team an chetha a, gold medal pali, silver pakhat leh bronze medal pahnih an la.
All Mizoram Karate Association (AMKA) leh Mizoram State Sports Council tirh Mizoram Karate Team-ah hian player pariat awmin, team official pakhat Sensei Lalramthara, AMKA general headquarters-a general secretary hoin May ni 22 khan Mizoram an chhuahsan a, naktuk, May 29 hian Aizawl an luh hman beisei a ni.
AMKA gen. hqrs. president R. Zomawia chuan an naute hlawhtlinnaah lawmthu a sawi a, international level thlenga medal la thei turin AMKA player-te inbuatsaih mek thu sawi chungin AMKA hian hmabak lian tak a tarlang tel a, federation championship khel turte an inbuatsaih mek thu leh state level championship-a medalist-te atanga selection trial hmachhawn thei turte ngawrh taka training an neihpui thu a sawi.
He’ng medalist-te atang hian final selection kalpui leh tur a ni ang a, chu ta thlanchhuahte chuan federation inelna lianah Mizoram ai an awh dawn a ni.