PM hlui Li Keqiang uitu tam, a sunna thup a ngai hial

Ningania Beijing Tianamen Square-a Prime Minister hlui Li Keqiang kum-68 a upa, lungphu chawla boral ta, China mipuiin an thlah liam chungchangah, Research Director China, Hongkong leh Taiwan-a Freedom House, Yaqiu Wang chuan, “Mipuite chuan Li-a sunnaah hian, an beidawnna leh an lungawilohna langsar takin President Xi Jinping hma ah an tilang a. China sorkar chuan heng mipuite awmdan hi midangte hriat zel an hlauh avangin an thup nghal vat a ni,” a ti a; hei hi mipuiin Li boral an uizia leh Xi Jinping-a kaihhruai an ninzia a sawi a ni.
Li hi Babaoshan Revolutionary Cemetery ah halral niin helai hi sorkar hotu lute an invuina hmun leh China tana pasalthate hun engemaw kalta atanga an ruahman chauh a la ni.
Li Keqiang vuinaah hian China President Xi Jinping, Prime Minister Li Qiang leh Politburo Standing Committe members leh Li-a chhungkua te an tel a ni.
Li hi China economist ropui tak niin pro-reform hruaitu tha tak a ni bawk a, kum sawm chhung, kumin March thlaa a ban hma thleng khan China ram Prime Minister hna hi a lo chelh tawh a. Li Keqiang hi China chhak lam Anhui province-ah lo piangin a pa chu thingtlang lo neihna hmunah sorkar hnathawk thin a niin Cultural Revolution hun lai vel khan leilet ve turin lo ah an tir a ni. Peking University ah law zir vein Li chu democracy tan em emtute thian rinawm tak a lo ni a, heng zingah hian an party pawhin a control theih loh hruaitute an awm hial a ni. Hetih hun lai vel hian hruaitu ropui tak Deng Xiaoping kaihhruaina hnuai ah siam thatna hna kalpui mek niin mi thiam te leh politics thila hawi harh tak tak saptawng thiam te an lo awm ve zel bawk a, hengho kaihhruaina hian kum 10 lai mai a awh hman a ni. Chung hun lai democracy tantute hun kum 1989 vel bawr chu anmahni dodaltu ten Tiananmen Square-ah pungkhawmin sipai ten an ti darh ta a ni.
Graduate a zawh hnuin Li chuan Communist Party’s Youth League a zawm a, reform tumtu atangin office sang zawkah a awm ta a ni. Law-a Master degree a zawh dawn laiin Youth League a kaihruai a, market reforms duh em emtu economic Professor Li Yining hnuaiah doctorate degree a hmu a ni. Politics-a a experience neihna chu Henan bial-ah provincial leader niin a hmang tangkai hle a, central China-a thingtlang rethei tak bial chu AIDS avanga hmingchhiatna nen an kaikawp ta a ni. Liaoning-a party chief-ah tang lehin investment neih dan tur leh industry hmunpui ni turin thil thar a dap reng bawk a ni. Li Keqiang duhsaktu ber chu Hu Jintao niin Youth League nghetlo taka vuantu a ni a. Xi Jinping-an party chief a nih kum 2012 khan Youth League faction chu a kalsan ta a ni.