Congress leader Pawan Khera chu Raipur pana IndiGo flight 6E204 a a chuang lai chu chhuktir a nih thu Congress social media in-charge Supriya Shrinate chuan a sawi.
Raipur-ah hian Congress ten 85th plenary neih tura kal tur a ni a, Zirtawpni atanga plenary session hi neih tum a ni a. Pawan Khera rual hian hruaitu dang Supriya Shrinate, Randeep Singh Surjewala leh K.C. Venugopal te pawh thlawhnaah hian an chuang ve a ni.
Khera chuan baggage kaihhnawih thilah thlawhna atanga chhuk tura hriattir a nih thu a sawi a. “Eng vanga min chhuk tir nge an nih ka hre lo va. Ka baggage enfiah a ngai an ti a. Handbag chauh ka keng ka tih pawhin thlawhna atanga chhuk turin min ti lui a ni,” a ti a, “A hnuah erawh DCP hmu tura tih ka ni zui a ni,” tiin a sawi.
Hetihlai hian Assam a Dima Hasao district-ah Congress leader Pawan Khera lakah hian February 23 khan Haflong police station ah case register a ni a.
Prasanta Kumar Bhuyan, IGP L&O leh spokesperson of Assam police chuan ANI te hnenah Assam police team te chuan Haflong police station case kaihhnawihah hian Pawan Kumar thu zawtfiah tura Delhi an pan thu a sawi a ni.
“Dima Hasao district a Haflong police station-ah Pawan Khera lakah case register a ni a, Delhi Police te man turin kan ngen a ni. Local court-in a remtih chuan Assam-ah hruai a ni ang,” tiin Assam Police te chuan an sawi.
New Delhi Airport ah hian thil buai nuai nuai thleng nghalin Congress member te chuan BJP sorkar duhlohna an aupui nghal a. An auna video tihchhuahah ‘He dictator rilru puthmang hi a dik lo a ni’ tih te an aupui.
Khera hian tun hnaiah BJP sorkar chu Gautam Adani thlawpah puhin leh Hindenburg report chungchangah sorkar chu chet la duh lo a ti a. Hei mai bakah hian Prime Minister Narendra Damodardas Modi chu ‘Narendra Gautamdas Modi’ tiin a sawi bawk a ni.
PM Modi sawisel avangin Congress hruaitu lawk airport-ah man
Get real time updates directly on you device, subscribe now.
Next Post