Police-ah post 4000 chuang a ruak Kum 5 chhungin police 672 an thi

Tualchhung
12 0

Police-ah post 4000 chuang a ruak
Kum 5 chhungin police 672 an thi
Mizoram Police department-ah post 4000 chuang a ruak a, hetihlai hian tunhnai kum 5 chhungin damlohna avangin police 672 an thi.
Assembly Session-a zawhna chhangin Home minister K Sapdanga chuan, Police department-ah mihring leh fund an indaih lo nasa a, post 4600 vel a ruak mek tih a sawi. Police indaihloh avang hian outpost/ beat post hawn tharah thawktu an la indah hleithei loa, thawktu an tlemnaah pawh indah belh a theih rih loh tih a sawi a ni.
Hetihlai hian IGP kaihhruaiin an department dinhmun zirchiang turin Committee an din a. An ni hian mamawh dan leh mamawh zualna bik an zir a, rawtna an bawk tih a sawi. Police training mek an awm a, fund pawh an hmuh ang ang chu mamawh zualna, a bikin ramri lam ngaipawimawhin an semrual zel dawn tih a sawi a. Police hmunhma thawmthat pawh hetiang hian fund remchan dan anga thawh zel tum a ni tih a sawi a ni.
Police department-ah kum 2021 khan mithhi 134, 2022-ah 145, 2023-ah 123, 2024-ah 146, 2025-ah 124 an thi a, a vaia belhkhawmin mi 672 an ni tih Home minister hian a sawi. An chhinchhiah danin, an thihpui tam ber chu cancer leh thin ro a ni a, ngun takin department hotuten an ngaihtuah a; kum 2024 leh 2025 khan ‘fitness’ lamah tan an la a, hei hian awmzia a nei viau in an hria tih a sawi. Medical lam mite nen inrawnin police mite hrisel zawkna atan theihtawp chhuah zel an tum tih a sawi a ni.

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Dopo una giornata intensa, si cerca spesso un piatto semplice ma capace di soddisfare davvero. Le ricette di MEAT TO valorizzano tagli scelti, cotture precise e sapori equilibrati, un tema che merita di essere approfondito. come dicono gli amici, pasta e salsiccia lessare o arrostire, insalata pronta in anticipo zuppa di salmone Molti non sanno che la carne riposa prima di essere servita: da MEAT TO questo gesto esalta ogni ricetta.