Pope Francis chuan South Sudan a peace pilgrimage a neih chu Pathianni khan titawpin Juba khawpuiah mi sing tam tak te mass a thehsak.
-- Advertisement --
Kohhran mipuite chu ‘huatna tur’ hnawl tura ngenin remna siam tura hun remchang te hloh lo turin a ngen bawk a. Ram hruaitute pawh buaina chinfel chu thlurbing bera nei turin a ngen bawk.
A chhuahsan hma in, “Unaute u, a hma ai zawnga thinlunga hnaih che u in Rome ka pan dawn” tiin a sawi a. Catholics sang tam tak te chu zan khuain mass chan tumin an pungkhawm lawk a ni.
“Ka phur em em a, ka mu lo. Pope lokal hi kan lawm a, remna message min pe a, South Sudanese mipuite kan inlungrual theih phah ang” tiin Juaj Bol Ayuel chuan a sawi.
Mass hi John Garang Masoleum ah neih niin mi 70,000 chuang an pungkhawm a, Patian biaa pungkhawm te an hlimin an lawm hle a ni.
South Sudan hi Pope in a tlawh tumkhatna niin kum 2011 a independence ram ni chauh niin civil war in a nuai zui a ni bawk.
Kum 2018 khan inremna siam a ni chungin tharum thawhna a la reh chuang lo va, civil war avang hian mi 400,000 chuangin nunna an chan phah tawh anga ngaih a ni. Pope in a tlawh hma zan lawkah pawh bawng ruk tum avanga inbeihna thlengah mi 20 in nunna an chan phah a ni.
Pope rual hian Christian leader dang – Archbishop of Canterbury, Justin Welby, Moderator of the General Assembly of the Church of Scotland, Rev Iain Greenshields te pawhin South Sudan hi an tlawh bawk.
South Sudan a tlawh hma hian Pope hian Democratic Republic of Congo a tlawh bawk a ni.