Portugal-a Indian hmaah Jaishankar-a’n thu sawi

External Affairs Minister S Jaishankar chuan Europe khawmualpui tlawha a zin kual mekna ah Portugal-a India mi awm te hmaah November ni 2, 2023 khan thu a sawi a. He a thusawinaah hian minister chuan India leh Europe te inkara inlaichinna tha a awm theih nana Potuguese thawh hlawk dan te leh a inthlak chhoh dan te a sawi.
India mite nena an inkawmna hnuhnung ber hi Portugal external minister-in a rawn tawiawm a. Jaishankar chuan, “Porto summit hi mel lung pawimawh tak a ni. Mipuite kan pem tawn hi hnathawhna hmun inthlengtawnna remchang tak a ni bawk a. Direct-a thlawhna inthlunzawm kan mamawhzia pawh a hriat. India-a hmasawnna inthlak danglam chho mek hian thawhhona atan remchang a siam dawn a, khua leh tui heta awm te hian he ram nena palai hmanga kan inlaichinna kum 50-na lo thleng turah hian nasa takin tha in thawh a ni,” tiin a sawi a ni.
Thawhlehni khan minister chuan Prime Minister Antonio Costa nen inkawmin tun dinhmuna chona chi hrang hrang awm te leh ram pahnih te inthian that zelna tura thil pawimawhte an sawi dun a. Jaishankar chuan Portuguese PM nena an inkawmnaah hian Narendra Modi chibai bukna pawh lawm takin a hlan sak a ni. Jaishankar-a’n ni li cham tura Portugal leh Italy tlawh a tumna ni khatna chu Portugal-ah hmangin heng ram pahnihte nena inlaichinna tha lehzual siam zel a beisei hle a, Portugal phei chuan India leh EU inthian thatna turin nasa taka hma a lakzia pawh a hria a ni, a ti.
Hemi hma hian Jaishankar chuan President of the Assembly of the Portuguese Republic lo hmu tawhin khawvel ram chhe mai thei karah hian democracies ram pahnih te nasa taka an thawh dun a pawimawhzia te an lo sawi dun tawh a ni. Portugal atang hian Jaishankar chuan Italy a tlawh leh ang a, a anpui minister Antonio Tajani, Minister of Defence leh Minister for ‘Made in Italy’ te a hmu dawn a ni. Italian Prime Minister Giorgia Meloni-an New Delhi a rawn tlawh lai March thla khan ram pahnih te inkungkaihna chu nasa taka siam that a lo ni tawh a ni.