Poshan Pakhwada 2023 hawng
Nu naupai leh naupangten chaw tha leh hrisel an hmuh theihna atana sawrkar laipui hmalakna – Poshan Pakhwada 2023 chu Thawhtanni khan Social Welfare & Tribal Affairs minister Er Lalrinawma chuan Aizawlah a hawng.
Minister chuan SW&TA department-a a thawhpuite rim tak leh lungrual taka an thawhhona avangin Poshan Abhiyaan chu Mizoramah hlawhtling taka kalpui a ni tih a sawi a. Poshan Pakhwada chu sawrkar laipuiin ruahhmanna a siam angin March 20 atanga April 3 thleng awh tur a ni, tiin, kumin thupui atan -Promotion and Popularization of Shree Anna /Millets for nutritional well being, Celebration of Swasth Balak Spradha (Healthy Child) leh Popularizing Shaksham Anganwadis-te hman a ni tih a sawi.
Kum 2023 chu ‘International Year of Millets’ a nih angin, Poshan Pakhwada hmanna kawngah millets (buhtun) uarna lam hawi hmalakna siam a nih thu sawiin, theihtawp chhuaha tihlawhtling turin thawktute leh a kaihhnawih departmeng hrang hrang atanga kalkhawmte a fuih a ni.
Poshan Pakhwada hman chhung hian programme hrang hrang duan a ni a. Ram hmasawnna atana pawimawh, hriselna kawngah rahbi thar kai thei turin ram mipui zawng zawng theihtawp chhuah turin Er Lalrinawma hian a sawm a. “Tuna rim taka kan thawhna hian ram a nghawng anga, nakin zelah ram dinhmun a tinghet zual zel dawn a ni,” a ti.
Poshan Pakhwada 2023 hawng
Get real time updates directly on you device, subscribe now.