College zirtirtu lak tharte awmna tur sawrkarin a siamremah a subject azira sawn remchang lo tih loh chu sawrkarin kalphung nghet tak neih tumin an sawnkual vek tih Higher & Technical Education minister Dr R Lalthangliana chuan a sawi.
-- Advertisement --
Assembly Session-a H&TE minister sawi danin, college zirtirtu post ruak 200 chuang an neihah sawrkar sum dinhmun tlin tawk angin contract basis-a thawk thin mi 64 chu a nghetin dah an ni a, posting tih nghal a ngaih angin sawrkarin tum bulfuk tak neiin kalphung nghet nei turin an awmna hi siksawi a ni tih a sawi.
“Principle nghet tak neia kan tih a ngai a ni, tiin, chutiang chuan posting order kan siam a. Aizawl pawn, hla tak taka kum 20 dawn, kum 15 lo awm tawh te, hrisel lohna avanga Aizawl lamah emaw hmun tha zawka lakluh ve theih nise, tia ngenpuitu neite ngaihtuah telin, subject pahnih khat sawn remchang miah lo tih loh chu kan sawnchhuak vek a ni,” a ti. Hetiang hian hmun hla tak taka lo thawk tawh te chu hmun tha zawka lakluh ve an ni tih a sawi.
Sawrkarin thutlukna a lo siam tawh hi an zawm phawt anga, siamrem hlek hlek ngai awm erawh, order chhuak tawh tihdanglam buaih buaih leh ngaia theh huk loin, an dinna ngaiah an la ding rih a, rei lutuk loah college harsatna tawk bik ang chi chu siamrem chhoh a ni dawn tih Dr R Lalthangliana hian a sawi a ni.