Nobel Laureate Amartya Sen chuan Uniform Civil Code (UCC) kalpui tumna chu ‘intihder’ tumna tiin a sawi a. UCC kalpui chuan tu nge hlawkpui ang tiin zawhna a siam zui bawk a. Professor Sen chuan UCC kalpui tumna chu ‘Hindu Rashtra’ tihhlawhtlin tumna a ni tiin a sawi zui bawk.
“Chanchinbuah Uniform Civil Code chu kalpui vata tihkhawtlai tawh loh ni se tih ka chhiar a. Hetiang ngaihdan mawlthlak lutuk hi khawi a\anga lo chhuak nge? Kum sang tam tak UCC tel lovin kan awm tawh a, hun lo la kal turah pawh kan awm thei ang,” tiin economist chuan a sawi.
Prof Sen chuan “Hindu Rashtra” chu ram chhung hmasawnna kawngzawhna tur awm chhun a ni lo tia sawiin hei aia zau zawka ngaihtuah a ngai a ti bawk a. “Hindu sakhua hi dik lo taka hman tumna a awm a ni,” tiin Prof Sen chuan a sawi bawk a. Mipuite a ngaihdan leh tih \hin dan inang lo tam tak sawi awlsam nana UCC chu kalpui tuma hmalak a ni, a ti bawk.
Tun hnaia US president hlui Barack Obama-an India chu ‘minority rights’ ngaihthah avangin kehchhe theiah a awm a tih chungchang an zawhnaah Nobel laureate Prof Amartya Sen chuan, “Obama’an a sawi chhuak hi a lawmawm a. Keini pawh hian thil tam tak hi kan thurchuak thei tur maw le,” tiin a sawi.
Prof Sen an UCC kalpui ‘intihder’ tumna ti hmak
Get real time updates directly on you device, subscribe now.
Next Post