Women’s Polytechnic Aizawl Eco Club leh NSS chuan March 6 & 7 khan puan hluihlawn tawh atanga thiamthil siam dan zirna, ‘Art & Craft from Waste Fabric’ tih thupuia hmangin an buatsaih.
Workshop hi Mizoram Pollution Control Board-in a sponsor niin, Women’s Polytechnic Aizawla an zirlai mi 200 chuangin kutthemthiamna kawng hrang hrang an pho chhuak a, puanchhia paih mai tur hnawksak leh kan chhehvela kan paiha kan khawvel tibawlhhlawhtua chang mai turte thil tangkai atan an siam a, he Workshop chhung hian en theihin an pholang a ni.
Zirlaite pholan zingah hian kawr hak leh theih, thawmhnaw dang, bag chi hrang hrang, in cheina’na hman chi tarmawi leh inchhung tihfaina hmanrua leh thildang chi hrang hrang a tel a ni.
Women’s Polytechnic Aizawl hian hemi kawnga hmalak zel an tum tih sawiin, ‘Kan khawvel neihchhun duat taka enkawl tura inzirtir leh Mizo hmeichhiaten kan kutthemthiamna hmanga paih mai tur hmang tangkaia suma chantir kawngah tan lak chhoh zel kan tum a ni,’ an ti.
Puan hluihlawn atangin siam
Get real time updates directly on you device, subscribe now.
Next Post