Sawrkar laipui Ministry of Panchayati Raj bultum, Rastriya Gram Swaraj Abhiyan (RGSA) kaltlanga fund hmuh hmangaThenzawl West Village Council building sak, Thenzawl Handloom Design Training & Production Centre Thenzawl West ami chu Zirtawpni khan Local Administration secretary Teresy Vanlalhruaii’n a hawng.
LAD secretary chuan sawrkar laipuiin tualchhung inrelbawlna tih chak a ngaipawimawh a, VC-te mawhphurhna leh pawimawhna nasa takin a sang tawh a, India danpuiin thuneihna sang tak a pe a, VC-ten mipui tana hna an thawh theih nan VC kut tih chak nan sawrkarin theihtawp a chhuah tih a sawi. VC-te chu sawrkar te (small), tualchhung sawrkar an nih an inhriatchian a, mipui hamthatna tura hna an thawh a pawimawh takzet tih sawiin, chutiang ni loa, mipui nawlpui huap lo, mi thenkhat hamthatna tura hna an thawk a nih chuan an hlawhchham tih a ni tih a sawi. Mipui nawlpui huapa hna thawk thin turin a chah bawk.
“Sawrkarin mipui assets a siam hnem em em a, hengte humhalh leh enkawl zui a, mipuiin neitu rilru put thiam a tul a. Sawrkar hmalakna reng reng hlawhtlinna chu sawrkarah niloin mipuiah a awm a ni,” Teresy Vanlalhruaii hian a ti.
Handloom Design Training & Production Centre Thenzawl West hi Ministry of Tribal Affairs RGSA-in VC-ten tualchhung hmasawnna an thawh atanga fund an hmuh theihna tur leh self help group hmasawnna atana fund, nuai 141.23 a pek atanga building sakna tur bika ruahman nuai 68 senga Thenzawl West VC-in an sak leh enkawl zui tur a ni a, chhawng khat a ni.
He project hnuaiah hian puan design training bakah a market leh thil tul dang chi hrang hrang buaipui chhoh zel tur a ni a, tunah hian a building sak zawh tawh niin, puantah khawl leh laban khawlte dah tawh niin, sawrkarin puan design zirtirtu tur leh a la rawih dawn bakah khawl chi hrang hrang lei mek a ni bawk.
Puantah leh zawrhna hmun siam
Get real time updates directly on you device, subscribe now.
Prev Post
Next Post