Pachhunga University College chuan kumin National Institutional Ranking Framework ranking-a India ram huapa college tha 34-na nihna a hauh chu Ningani khan an lawm a. Hemi denchhen hian nihnih awh international symposium – “Sustaining Nature & Tribal Worldview: An ecocritical approach to Literature” tih thupui hmagin a buatsaih.
A hawnna hmanpuitu larsap Dr Hari Babu Kambhampati chuan PUC hlawhtlinna chu Mizoram tana inchhuanna tham a ni, tiin, he dinhmun thleng tura theihtawp chhuahtute lawmpuina a hlan a. He hlawhtlinna lawmna atan international seminar huaihawt a ni chu thil remchang tak a ni tih a sawi.
PUC chuan hlawhtlinna liantham thawk chhuak tura theihtawp a chhuah bakah a thawktu, zirtirtu leh office hnathawkte leh zirlaiten an theihna sang ber an hlan thin nia a hriat thu larsap hian a sawi a. Awmze nei, thil tum chiang taka nei chunga hmalam an pan theih zel chuan hun reiloteah PUC chu India rama college tha filawr ala nih theih a rin thu a sawi. Nakin lawkah Deemed University dinhmun an la hlawhchhuah ngei a beisei tih sawiin, National Education Policy 2020 hmathlir anga PUC chu a kal zel chuan ‘teaching intensive and research intensive university’ a la nih thuai a rin thu a sawi bawk.
Pachhunga University College hi Mizorama college zinga upa ber leh hmun nei tha bera ngaih a ni a. College ram hi acre 122-a zau a ni. Tunah hian arts, science, commerce leh management stream ah zirna kalpui niin, department 23 a awm a, zirlai 3000 chuang an nei mek. NAAC-in CGPA of 3.47 out of 4 rating peiin A+ grade college a ni.
PUC-in college ranking that lawm
Get real time updates directly on you device, subscribe now.
Prev Post
Next Post