Pull up record siam

Australian Jaxon Italiano chuan darkar 24 chhungin pull up vawi 8,008 a ti hman a, Guinness World Record a siam. A hmaa hetiang record chu darkar 24 chhunga pull up vawi 7,715 a ni a, record hi a khum chiang hle a ni. Pull up chu exercise lak dan hahthlak tak mai niin, chunglama bar khamah an uai a, kea lei tawk tawk lovin an kiu-ah ban tithlepin an inpawt kang a, bar chunglamah an khabe an dah chhuak a, chumi hnuah kiu timarin an uai thla leh thin.
Jaxon hian a record siam hi dementia neite enkawlna atana sum tuak nan a hmang nghal a, pull up vawi khat a tih apiangin Australian dollar 1 zel a tuak ngah thei a, a vaiin Australian Dollar 8,782 (USD 5,914.72) a tuak ngah thei a ni.
Jaxon hian record siam tum hian thla riat chhung a inbuatsaih niin a sawi a, mahse, a inbuatsaihna lamah a intihliam palh a, chuvangin a duh angin record a siam hma thei ta lo zawk a ni.