Rahul Gandhi-an Manipur tlawh tum

Congress chief hlui Rahul Gandhi chuan buainaa khat Manipur state chu June 29 leh 30 hian a tlawh dawn tiin Congress te chuan an sawi.
Tun hi May thlaa Manipur state a buaina nasa tak chhuah hnua Congress leader te kal hmasak ber tur a ni a.
“Rahul Gandhi chuan 29-30 June-ah Manipur a tlawh ang a. Relief camp te tlawhin civil society aiawhte nen Imphal leh Churachandpur-ah inbiakna an nei ang,” tiin Venugopal chuan a sawi.
Congress-te chuan Manipur buaina chhuak mekah Prime Minister Narendra Modi-an ngawih a chuh tlat chu hrethiam lovin zawhna an siam reng a.
Kar kalta Inrinni khan Home Minister Amit Shah chuan Delhi-ah all-party meeting ko bawkin chutih laiin Rahul Gandhi chuan Manipur buaina chinfel tum chungchangah sorkar chu ti tak lo a ti thung a.
“Prime Minister ram chhungah pawh a awm loh laiin all-party meeting koh a ni a. He meeting hi Prime Minister tana a pawimawh lohzia a lang a ni,” tiin Rahul Gandhi chuan a sawi.
Tun thlengin Prime Minister Narendra Modi chuan Manipur buaina thleng chungchangah thumal khat te pawh sawina a la nei lo.