Rajsthan Congress chhungkua politics-a inbeihna kal mek zelah Congress High Command te chuan Chief Minister Ashok Gehlot leh a deputy Sachin Pilot te chu a hranpa ve vea party president Mallikarjun Kharge an a titipui turin national capital-ah an ko.
Kum 2020 atang khan Sachin Pilot leh Ashok Gehlot te hian thuneihna an inchuh tawh a. Congress leader Rahul Gandhi leh hruaitu dangte chuan Gehlot leh Pilot te hi Congress headquarter-ah an titipui dawn tho bawk.
Kharge chuan, “An pahnihin an lo kal a, party tana tha ber tur sawihovin thutlukna kan siam ang,” tiin a sawi.
May 15 khan Sachin Pilot chuan a telna ngei Rajasthan-a Congress sorkar chu BJP tena State-a rorelna an chan laia paper leak scam chu chhui chiang tura phutna a thlen a. Gehlot sorkar hnenah tun thla chhunga a thil ngiat tihhlawhtlin a nih loh chuan State pumah lungawilohna a kalpui ang a ti bawk.
Sachin Pilot hian a telna ngei sorkar chu thil pathum tihlawhtling turin a phut a, tun thla chhung hun a pe a ni. Chung zingah chuan paper leak case awmna chhan Rajasthan Public Service Commission (RPSC) siamthat te pawh a tel a, hei bakah hian scam avanga candidate a nghawng te zangnadawmna sum pek te pawh a tel.
Sachin Pilot chuan sorkar hmasa Vasundhara sorkarah khan kum nga chhungin State rosum chu ruk a turu hle tiin a sawi bawk a. “Ashok Gehlot pawhin Opposition nih laia heng thilte hi ngai pawimawh a ni a. Tunah kum li leh a chanve a sorkar tawh hnuah heng thubuaite hi chinfel a la ni lo a ni,” tiin Pilot chuan a sawi.
Pilot chuan sangha chu a lian emaw a te emaw man a ngai a ti a, paper leak chungchang a sawiin sorkar chuan chhuichianna nei si lovin tumah officer inhnamhnawih an awm lo an ti mai, a ti a.
“Ka thawk tawp thlengin Rajasthan mipuite tan ka bei dawn a. Ka chawl dawn hauh lo va, mipuite ka chakna an ni a, anmahni avangin a tul chuan chan tur pawh ka chan mai ang,” tiin Pilot chuan a sawi bawk.
Rajasthan Congress buaina chinfel tum
Get real time updates directly on you device, subscribe now.
Next Post