Rajya Sabha-a Kumar-a lak luh hnuah Bihar sorkar thar

Bihar BJP President Sanjay Saraogi-a chuan an state -a sorkar thar siamna tura hmalakna chu state-a chief minister ni rei ber, Chief Minister Nitish Kumar-a April 10-a Rajya Sabha member atana rinawmna thu tiama lak luh hnuah tan a ni dawn tih a sawi.
Saraogi-a chuan Rajya Sabha-a thlan tlin a nih hnua legislative council member a nihna atanga kar hmasaa bâng ta, Kumar-a hian Zirtawpni hian thutiam a tiam dawn tih a sawi.
Pathiannia thuthar lakhawmtute a kawmnaah, “Hemi hnu hian BJP leh NDA (National Democratic Alliance)-a hruaituten hruaitu tur an thlang dawn a, Kumar-a pawh hetah hian a tel ve dawn a ni,” a ti.
Kumar-a hian Nilaini hian state cabinet meeting a ko va, a kaihhruaina hnuaia an thutkhawm hnuhnung ber tur a nih hmel tawh a, a tuk zingah Delhi a pan zui ang.
Member 243 awmna, Bihar assembly-ah hian rorel lai, NDA hian member 202 neiin an thunun hnen hle rih a. BJP chu assembly-a member ngah ber niin 88 an nei a, Kumar-a kaihhruai Janata Dal-United-in member 85 an nei ve bawk.
BJP nen an state inthlana hnehna an chan hnu thla eng emaw zata Kumar-a’n Rajya Sabha-a a luh tuma thu a tihtluk atang khan a boruak lenna hmunah hian a hun a tawp tan ta tih a langa ngaih a ni a, saffron party hian Bihar-ah a vawi khat nan chief minister an nei ngei dawn niin a lang ta bawk.
Patna-ah hian Kumar-a thlaktu tur chungchangah thu chiang engmah a la awm lo.
Pathianni khan Deputy Chief Minister Vijay Kumar Sinha-a chuan chanvo sang ber inchuhna thawm awm nia sawi chu a nih loh thu a sawi a. “Bihar hian NDA sorkar a nei a, a nei chhunzawm zel dawn a. NDA-ah chuan unau ‘upa’ emaw, ‘nau zawk’ emaw a awm lo va, unau chu unau a ni mai,” tiin a sawi.
“A hun a lo thlen hunah thutlukna siam a ni ang a, hna chu a ruak a ni ang. A kalphung chu mi zawng zawngin an hre vek a, a bân veleh sorkar thar siam dan tur chu a intan ang a. Bihar-ah hian NDA sorkar a awm chhunzawm zel dawn avangin thil tih hmanhmawh a ngai lo,” a ti bawk.