Rakzu siamna hmun 101 tichhia

Rakzu siamna hmun 101 tichhia
Rangvamual leh Phunchawng chhehvela rakzu siamna chu Ningani khan Police leh Excise & Narcotics lamin an dap a, zu suamna hmun 101 an tichhia.
Home minister K Sapdanga, Excise & Narcotics minister Lalnghinglova Hmar leh Aizawl West-I bialtu MLA, adviser to CM TBC Lalvenchhunga te chuan Mizoram hmun hrang hranga dan phal loha zu siam tam lutuk leh heng zuin mihring taksa a tihchhiat nasat avanga a intute hriselna nasa taka a nghawng dan sawihoin, dan kalha zu siamtute leh an zu siamna beih dan tur an rel a. Heta thuchhuak ang hian January 30 – Ningani khan Excise & Narcotics Department leh Police Department chu group hrang hrangah insemdarhin Aizawl leh Mizoram hmun hrang hranga dan phal loha zu siamna hmunpui – Rangvamual leh Phunchawng chhehvela a ruka zu siamna hmun an luhchhuah a. Police department atang hian 3rd MAP leh 5th IR an thawkchhuak a ni.
Zu siamna hmun 101 an tihchhiat bakah zu bilh lai tin 25556, zu siamna bel 96 leh rakzu litre 1083 an tichhia a ni.