Raltlan dawnsawn danah fimkhur thiam turin chah

Raltlan dawnsawn danah
fimkhur thiam turin chah
Tunhnaia India ram thenawm atanga raltlan lut te dawnsawn danah fimkhur thiam a tul nia an hriat thu Assam Rifles hotute chuan an sawi.
Thawhlehni khan Assam Rifles Lunglei commandant Be Joy Raveendran kaihhruaiin Aizawla AR hmunpuiah thuthar thehdarhtute nen inkawm ho buatsaih a ni a. Kum 2022- 2023 chhunga Assam Rifles hlawhtlinna chan hrang hrang leh khawtlang tana hma an laknate an sawipui.
Assam Rifles hotute chuan ram thenawm buai avanga Mizorama raltlan awmte dawnsawn kawngah fimkhur thiam a tul niin an sawi a. Raltlan zingah tualthah thubuai nei an awm thute, district thenkhatah voter ID nei an awm tawh thu leh raltlan chhuanlama ruihhlo tawlhlut thin an awm thu te sawiin, inven thiam a pawimawh nia an hriat thu an sawi.
Aizawl laili atanga Assam Rifles sawnchhuahna tur Zokhawsang chu sipaite awmna tura peihfel a la ni lo, nia sawiin, peihfel a nih a, insawnchhuak tura order an hmuh vela insawn nghal mai thei tura an inrin thu an sawi. Tun dinhmunah Zokhawsang chu sipaiten silai kah zir leh training-na atan an hman tih an sawi a ni.
Kum 2022- 2023 chhung khan Assam Rifles chuan Mizoram hmun hrang hrangah tualchhung mite nena inpawhna tha leh hmasawnna hna thawh kawngah tha an thawh tih an sawi a. Infiamna lama buatsaihnaah te, zirlaite tan hmalam kawng inkawhhmuh kawngah leh hmeichhe dinhmun chawikan lam, vantlang hriselna lamah leh tualchhungmite state dang zir tura intirhchhuah kawngah te tha an thawh tih an sawi.
Kum 2023- 2024 chhunga Mizoram mipui tan kawng hrang hranga hmasawnna tur project an duan zingah, Mizo mipui nawlpuiin Hindi tawng an hman theihna tura hma lak an tum thu an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More