God Father in AI hlauhawm hle ti

‘God father of artificial intelligence (AI)’ tia hriat lar chuan a hna bansanin, AI hlauhawm theihzia sawiin fimkhur a ngaihthu a sawi zui.
Kum 75 a upa Geoffrey Hinton chuan a thawhna Google bansanin New York Times hnenah tunah chuan a hnathawhah inchhirna a neih thu a sawi.
AI chatbot Thenkhatte chu ‘hlauhawm’ tihialin a sawi a. “Tun dinhmunah, keini aiin an fing zawk rih lo va, mahse, an fing zawk vat mai thei” tiin a sawi.
Dr Honton an deep learning leh neural networks lama research a beih te chu tuna AI system heng ChatGPT te awm theihna chhan hi a ni a.
British-Canadian cognitive psychologist leh computer scientist chuan chatbot te chuan hun reilote hnuah mihring thluakin a phak loh information neih tam lamah an luahlan vat dawn a ti bawk a.
“Tunah pawh GPT-4 te ang chuan general knowledge lamah mihring te an khum der tawh a Reasoning lamah pawh Tha tawk chu a ni lo chungin simple reasoning chu an tithei der tawh a ni” ti bawk a.
“Tun anga hmasawnna kalpui reng a nih chuan hun reilote hnuah Tha zawkin an awm ang a. Chutak chu kan hlauhthawnna tur ngei chu a ni” tiin a sawi bawk.
New York Times a article a ziahah Dr Hinton chuan AI te chu ‘thil Tha lo hawia hman tum’ an awm dawna tia sawiin chung mi te chu ‘bad actors’ tiin a sawi bawk a.
“Thil Tha lo zawnga hman tum an awm thei a, chu chu thil awm thei leh duhawm lo thleng thei a ni” a ti a.
“Entirnan, Russian President Vladimir Putin te ang chuan robots te chu an thil tum tihhlawhtlin nan sub-goals te siam turin ti ta se” tiin a sawi bawk. “Thiltihtheihna tam zawk ka neih a ngai a ni” te ti ta ang se, tiin a sawi bawk a.
Dr Hinton chuan, “Tuna intelligence kan siam mek te hi a hma aintelligence kan neih tawh te nen chuan danglam tak a ni” a ti a. “Keini chu biological system kan ni a, hengte hi chu digital system an ni. A danglamna lian tak chu digital system ah chua rih zawng leh model in ang copy tam tak a awm tlat a ni” a ti a.
“Heng copy hrang hrang te hian a hranpa Theuhin hna an thawk thei a, mahse, an knowledge neih te an inhrilh hre tawn nghal thei thung. A awmzia chu mi 10,000 awm ta se, chung zinga pakhatin hriat thar belh neih se midang zawng ten automatic in an hre nghal ang a ni a. Hei vang tak han heng chatbot te hian mihring pakhat aiin thil tam tak an hre zawk a ni” tiin a sawi bawk.
Dr Hinton chuan kawng hrang hrang avanga a hna chu bansan a nih bawk thu sawiin, “Pakhatnaah, kum 75 k ani tawh a, ka chawlh a hun tawh. Hei bakah hian Google chungchang hi Tha taka sawi ka duh a ni. Google tan thawk tawh lo ila an rintlak tawh zawk” tiin a sawi bawk.
Google chu sawisel a duh loh thu sawiin tech giant te chu ‘mawhphurhna la Tha’ tiin a sawi bawk.
Hetihlai hian Google chief scientist Jeff Dean chuan, “AI chu mawhphurhna neia hmachhawn zel kan tum a. Hma kan laknaah hlauhawm awm thei te pawh kan chhut tel vek zel a ni” tiin a sawi bawk.