arliament member, political party tin aiawhte thutkhawmah Mizoram MP K Vanlalvena chuan Bangladesh atanga raltlante Mizorama luh phalsak turin sawrkar laipui a ngen.
-- Advertisement --
Vawiin, January 31 atanga neih tan tur Parliament Budget Session atana inbuatsaihna, All Party Leaders MP thutkhawm chu Thawhtanni khan Parliament hmunah Union Defence minister Rajnath Singh hoin neih a ni a. Heta tel Mizoram Rajya Sabha MP K Vanlalvena chuan Mizoramah Myanmar atanga raltlan mi engemawzat enkawl mek an nih thu leh Bangladesh atanga raltlan lo lut turte erawh ramri ah BSF-in an lo dankir thin avangin mi tam zawk chu an kir leh thu a sawi chhuak.
Mizo hnahthlak ralthuam kengte leh Bangladesh Army chu kar kalta maiah pawh khaw pakhatah nilenga an la inkah thu sawiin, civil mite chu anmahni sahim nan Mizorama an lo luh phalsak ngei a tul a ti a. India sawrkarin Bangladesh atanga raltlante Mizorama lo luh phalna BSF hnenah a pek thuai a tul tih a sawi a ni.