Ram a kan thulha chet lak dan tur angin tichhin

Ram a kan thulha chet
lak dan tur angin tichhin
Ram kang a chhuah thulha chet lak dan turah Environment, Forest & Climate Change department huaihawtin Zirtawpni khan Durtlang Leitanah a tak ang thei ber tura tih chhin a ni.
Duan lawk angin, chawhma dar 11.00 ah Leitanah ram a kang a. Ram kang thelh, mihring leh ramsa chhanchhuah hna thawh dan a takin kalpui a ni. Leitan local council leh YMA, District Disaster Management Authority Aizawla Quick Response Team, Aizawl Forest Division, PCCF office, Police, Traffic, Fire & Emergency Services, Synod Hospital Durtlang, Veterinary Hospital Selesih, DM&R, I&PR, NDRF, SDRF, MPRO leh Sports & Youth Services Adventure Wing an tel a ni.
Ram kannaah hian DFO Aizawl Lalnunsanga Khawlhring chu incident commander a ni a. State Fire Control Room, CCF Conference Room MINECO atangin kangthelh leh chhanchhuah hna thawh dan PCCF Ashok Kumar Biswal, senior EF&CC officer-te, senior police officer-te, F&ES official-te, DMR official, I&PR official-te leh observer-ten live video feeds, wireless WT message leh phone call kaltlangin an vil a ni.
Site incident commander leh Staging Area manager-ten mock exercise an tih tawp hnu hian State Fire Control Room-ah debriefing session neih nghal a ni.