Ram temple sak zawh hun tlai leh hret dawn

Ram temple sak zawh hun tlai leh hret dawn
Ayodhya-a Ram temple sak mek chu June, 2025 a sak zawh tura ruahman a nih laiin, construction committee chairman Nripendra Mishra chuan September 2025 ah zawk sak zawh a nih a rinawm thu a sawi.
Mishra chuan hnathawktu 200 chuang vela an indaih loh thu sawiin, temple chhawng khatnaa lung thenkhat chu thlak a ngaih leh dawn avangin hei hian sak zawh hun tura ruahman tawh chu a titlai leh hret dawn niin a sawi a ni.
Zirtawpni khan he thu hi Mishra chuan sawiin, ‘tun dinhmunah phei chuan hnathawktu indaih lohna nasa tak kan tawk mek a, hei vang hian hna pawh a sawt mawh hle,’ a ti. A sak zawh hun tur pawh June 2025 ni lovin, September 2025 ah zawk beisei a ngaih phah thu a sawi bawk.
Hetih lai hian temple ramri atan hian lung sen cubic feet nuai 8.5 zeta zau ‘Bansi Paharpur’ chu peihfel a ni tawh a, hnathawktu an tlem avang hian Ayodhya hmunah hian duh angin an la rem theih loh thu a sawi a ni.
Tun hnai khan ni hnih awh tur biak in sak committee inkhawmpui chu neih niin, a hmunhmate an enfiah nghal bawk a, hmalak zel dan tur leh hmachhawpte thlirin, hmasawnna tur an ngaihtuah tel bawk.
Mishra sawi danin, he temple atana milem siamna tur Lord Ram’s court leh a chhehvela temple paruk siamna tur lim chu Jaipur-ah siam mek a nih thu sawiin, December thla chhungin Ayodhya-ah a thlen theih beisei a ni, a ti.