Ration buhfai sema buaina chingfel tan

Ration buhfai sema buaina chingfel tan
Ration buhfai sem hma hleihtheih loh chhan chu chinfel chhoh mek a ni tih Food Civil Supply & Consumer Affairs department chuan an sawi.
FCS&CA department thuchhuak chuan, mipui hnena buhfai sem thinah kumin April-ah buhfai inchhek khawl a that viau laia ration sem a tlai tak deuh chhan chu mipuiin hriatpui turin an duh tih a sawi.
Thlatina ration semna tur software pathum – RCMS, FEAST leh AePDS hman thinah tuna sawrkar laipui project kalpuiah hian heng software pathum hi hlawm khata siam tum niin, SMART-PDS tia vuah a ni tawh dawn a. SMART-PDS application hi tih fel ala ni loa, software hman lai RCMS (ration card siamna) ber phei chu sawrkar laipuiin a la thla tawh a, a thar a la hmang bawk siloa, tunlai hian ration card pawh siam theih a ni lo tih a sawi.
Ration semna ber AePDS chu hmang tawh lo turin sawrkar laipuiin state sawrkar-te a hrilh rualin, SMART-PDS hnuaia ration semna bik hi peih fel a la ni loa, state sawrkarin peihfel mai tura ngaiin a ngaichang a, thla chanve a tlin hnuah pawh peihfel a la nih loah chuan AePDS ngai bawk hman leh rih dil a ni tih a sawi bawk.
April 19 khan NIC Hqrs. nen indawr niin, an ni hian AepDS hmanlai /hlui hi an rawn tinung leh a. April 2l atang khan ration sem tan a ni tih a sawi a ni.