Ration card tihdik tumna hi statistic dik intanna tur a ni. – Supply minister

Sawrkarin ration card dik neih tuma hma a lak mekna chu Mizoramah statistic dik tak awm theihna atana bul tanna tur a ni dawn tih Food Civil Supplies & Consumer Affairs minister B Lalchhanzova chuan a sawi.FCS&CA minister sawi danin, sawrkar laipuiin Food Security Act a kalpui hnu ah card eng leh pawl neiten an dawn ang, he Food Security Act-in a huam ve loh card var neiten an dawn ve ang, state sawrkarin buhfai a ngaihtuah kep chu state dangin an hmang ve loa, chutihrualin tuna kalpui ang titawp kher loin, subsidy pek an nih dan chu enawnin, subsidy-a sum sen thin tihtlem a, retailer-te lawmman pawh ennawnin, buhfaia buk diklo awm thin thui tak ven theih nia an rinna chu cabinet thutkhawmah rawtna an siam tih a sawi.
Chumi ang chuan chief minister, minister, MLA leh Group A officer-te tana buhfai quota lei thin tihtawpa hma hruaiin, khawsak harsa lemlo pawh ngen chhoh zel tura tih a ni a. Buhfai kg ah subsidy Rs.25 pek thin chu Rs.10 ah tihniamin, card var hmangtuten Rs.15-a an khul thin chu Rs.30 a khul tawh turin tih a ni a. Retailer lawmman, kg khata duli (paise 0.50) ni thin pawh Rs. 1.50 a tih san turin tih a ni a. Subsidy ennawn hian NFSA dawngtu card eng leh pawl hmangte a nghawng ve dawn lo tih a sawi a ni.
He hmalakna avang hian sawrkarin thlatin Rs. 5,25,93,072 a hum thei anga, kum khatah chuan Rs. 63,11,16,864 hum theih a ni tih B Lalchhanzova hian a sawi. “He ruahmanna hi kalpui lo ta ila, kum khata kan senral tur chu cheng vaibelchhe 135 vel a ni anga, tuna hmalakna avang hian vbch.80 velin kan buhfai mamawh hi kan inenkawl theih a beiseiawm,” a ti.
Food security-a awm tur thlan danah ramri kham mumal a har a, mi harsa tak tak, Food Security-a awm mamawh ngawih ngawih, duhsaktu neih loh vanga card vara awm an awm nual tih a sawi a. Hemi chingfel tur hian hma an la mek a, khawpuia cheng kum khata an chhungkaw sum lakluh nuai 4 tling zo lo chu Food Security-ah rin zirtirtu sawn chhuah a ai dah loh leh an principal sawn chhuak a, mi hrisel pangngai, school awmchilh thei tur dah an ngen a. Hnahthial district-a school hrang hrang, primary atanga higher secondary school thlenga zirtirtu indaih lohna pawh an thlen a ni.
Minister hian, lecturer transfer order chu tun dinhmunah ‘stay’ a ni a; Students – Teachers Rationalisation mila zirchian that leh a ni dawn tih a sawi a. Kumin chhung chuan transfer an nih loh tur thu a sawi. School zirtirtu indaih lohna pawh casual teacher lakin a phuhruk a ring tih sawiin, district khawpuia casual teacher dah an nih loh chungchangah, zirtirtu nghet dah tuma ruahman a ni tih a sawi.
Govt Hnahthial HSS principal chungchang pawh department chuan ngaihtuah tawhin, principal sawn chhuaha aiawh dah mai tur an van a, principal ni mek chu sawrkarin sawn chhuah a tum tih a sawi. July 4 hian department hotute an thukhawm anga, higher secondary school principal chin chu Group A an ni a, engemawzat an sawn dawn a, Aizawl amite pawh an sawn dawn avangin principal chu an neih beisei turin a hrilh a ni.
MZP Hqrs: Hnahthial hruaitute chuan, kumin July 10 ralhma ngeia school principal sawn chhuak a, a aiawh midang dah turin minister hi an ngen nawn a. Sawn chhuaha ai dah a nih loh chuan, Govt Hnahthial HSS zirtirtute leh zirlaite school kai tur tiamchin awm loa dan leh an tum thu an hrilh a ni.

FCS&CA minister thusawi dang:

8 Mizoramin thlatin buhfai quintal 97000 vel a chawlut a, Food Security Scheme hnuaiah qtl. 37000 vel a thlawna dawn thin a ni. Hei bakah hian a man tlawmin qtl. 14900 vel leiin, open market procurement hmangin thlatin qtl. 44000 vel, qtl khatah Rs 4000 in lei thin a ni.
8 Mizoramah ration card nei mek mi 288757 awmin, mihring 1172378 a huam a, hetah hian Food Security dawng thei zat chu 706296 an ni. Ration card 176471 awmin, card var hmang mek ration card 112174 atangin member 465708 an awm.
8 NFSA dawng thei hi state pumah 60.22% kan ni a, a huam ve loh hi 40% vel kan ni. NFSA dawng thei hi thingtlangah 35% (413017) niin, urban-ah 25% (292764) an ni.
8 Ration card hi economic status tehna pawimawh tak a ni chho a. Health care, ruang phurh, golden card adt. ah NFSA-a awm hi dinhmun harsate tan thil hlu tak a ni. Buhfai bikah NFSA scheme hmang nghal thei lo mah se, NFSA category-a thunluh thuai hi an mamawh hle.
8 Kumin June atang khan retailer-ten kudam atanga buhfai an khulin, buk dikin an khul ngei tih tichiang turin kudam atangin receipt an la tawh a, hei hian buk tling loa retailer-ten buhfai an khul thin a ti ziaawm anga, retailer-te leh kudam lam an in-check tawn thei dawn a ni.
8 2023 September hma lam chuan, supplier-ten buhfai man hi an control thin tih theih a ni a, 2023 October atang chuan chief secretary hmalakna in tender system hman a ni.
8 Retailer-ten thlatinin ration khul bang an hralh thin chu phal a ni tawhlo a, hemi hlutna hi kum khatah cheng vbch. 25 hu vel a ni. Thla tin qtl 80000 vel hum theih rin a ni a, kuminah March qtl 6400 hum niin, April-ah qtl. 4400, May ah erawh ruahsur leh thlipui tuar tih vela chhawmdawlna lama hman a tam avang leh internet mumal loh nen inzawmin qtl 157 hum a ni. June data peihfel a la ni lo.