Rauw Alejandro & Camilo ‘Tattoo (Remix)’ YouTube Billion View Club-ah

Rauw Alejandro leh Camila te hla ‘Tattoo (Remix)’ chu a music video-in YouTube-ah vawi tluklehdingawn en a hlawh ta a, he mellung pawimawh hi a video an tihchhuah atanga kum ruk chhungin a thleng hman a, Alejandro leh Camilo te tan YouTube vawi tluklehdingawn en hlawh thei music video pathum an neihna ve ve a ni.
Puerto Rican star Alejandro hian February 2020 khan ‘Tattoo’ hi tichhuakin, Los Honeyboos leh Mr. Nais Gai produce a ni a, hemi kumah tho huan July thlaaha pop version featuring Colombian singer leh songwriter Camilo music video chu YouTube-ah a rawn awm ve leh ta a ni.
‘Tattoo (Remix)’ hi heng Latin star pahnih an thawhdun vawi khatna a ni a, a video-ah hian Miami Beach vela an thiante nena an intihlim lai ve te a lang. He hla phuahtu zingah hian Alejandro leh Camilo te pawh hi telin, midang paruk te nena an phuahho a ni.
Alejandro hian Billboard Hot 100 chart-a lang thei hla 13 a neih zingah ‘Tattoo’ hi telin, Hot Latin Songs chart-a a hla lang thei 88 zinga mi a ni bawk a, he chart-ah hian a vanglaiin No.7 a kai thei bawk. Camilo tan pawh Hot Latin Songs chart-a a hla 21 a neih zinga pakhat a ni.