April 5, Nilai zan khan Spotify Nou Camp ah Spanish Copa del Rey semi-final thawhhnihna khelh a ni a. Real Madrid chuan si li fai ngawta Barcelona sawpin final an lut.
Semi-final thawh khatnaah Real Madrid hi Santiago Bernabue ah si khat faiin an lo tlawm tawh a. Tunhnaiah an hmelma lian an ngam loh zawn vangin Nou Camp ah chak zawk tura rin an ni lo. Hun pawimawh takah tha chungchuang takin an inlan a, hnehna lian an sualchhuak.
Real tan hian minute 45+1 ah Vinicius Junior chuan hmahruaina goal a thun a, a dang zawng chu Karim Benzema chan a ni.
Ballon d’Or kawl mektu Benzema hian minute 50, 58 leh 80 ah goal thunin harttrick a siam. Benzema hian La Liga a khelh hnuhnung berah hattrick a lo siam tawh bawk a, a che ?ha chho leh ta viau. Hun tawp thlenga mualneituin an si phurh an sut theih loh vangin Real in hnehna lian an chang a. Si belhkhawmah 4-1 a hnehna changin final an lut.
Real Madrid hi an hmelma lian ber Barcelona lakah vawi li an tlawm zawn tawh a. An intawn hnuhnung vawi nganaah an chak ve ta nge nge.
Copa del Rey final hi May ni 6 ah khelh a ni dawn a, Real Madrid hian Osasuna an hma-chhawn ang.
Real in Barcelona an sawp
Get real time updates directly on you device, subscribe now.
Prev Post
Next Post