Rema & Selena Gomez ‘Calm Down’-in 1B view kai

Rema & Selena Gomez ‘Calm Down’-in 1B view kai
Nigerian singer Rema leh Selena Gomez te Afrobeat hit ‘Calm Down’ remix video chuan YouTube-ah vawi tluklehdingawn en a hlawh a thei ta. He hla hi 2022-a Rema debut album ‘Rave & Roses’ atanga a single niin, a vanglaiin Billboard Pop Airplayt chart-a Mo.1 ni rei thei ber record te pawh a siam nghe nghe a ni.
‘Calm Down’ hla hi February 2022-a Rema album-ah a tel a, a tirah a lar nghal hluai lem lo a, mahse, August 2022-ah Selena Gomez nen a music video an tichhuak ta a, heta tang hian rimawi khawvel a luah hneh ta hle a ni.
A video-ah hian Rema leh Selena te cu pindan bang hring chhungah an che vel a, Selena pawh a lam ingeuh thiam vel hle a, a chorus “Baby, show me you can calm down, calm down/ Dance with me and take the lead now, lead now/ Got you so high that you can’t come down, come down” tih lai vela garage var sar mai a vintage roadster nalh zek zawk tak bula Selena han in-shake vel te chu hmuhnawm tham tak a ni ve tlat.
He music video hian kum hnih leh thla thum vel chhungin YouTube-ah vawi tluklehdingawn en a hlawh hman ta a ni. He hla hian Billboard US Afrobeats Songs chart a lang rei thei ber record siamin, kar 138 chhung a lang tawh a, Billboard Hot 100-ah pawh kar 57 chhung langin Afrobeats-ah chuan he chart-a lang rei thei ber a ni bawk.