ROSE & Bruno Mars ‘APT’ a la lar ber

ROSE & Bruno Mars ‘APT’ a la lar ber
BLACKPINK member ROSE leh Bruno Mars te hla hit ‘APT’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar thum a No.1-na a ni ta. Hetihrual hian Gracie Abrams pawh top 10-ah a lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga kar khat chhunga official-only stream (ad-supported leh subscription audio leh video music service) leh download sales te chu tehna pawimawh a ni.
APT hian kar khat chhungin stream maktaduai 162.2 leh sales 14,000 a la nei thei a, a hla hi ROSE solo studio album ‘rosie’ atanga a lead single niin, album hi December ni 6-a tlangzarh tur a ni.
Chart No.1 hlui Lady Gaga leh Bruno Mars ‘Die With a Smile’ chu No.2-ah bawk awm lehin, stream maktaduai 119.6 a la nei thei a, he hla hian kar 10 chhung chu kartin stream maktaduai 100 a la kai ziah a, The Kid LAROI leh Justin Bieber ‘Stay’ recrod lehpelin, hetiang zat stream kai rei thei ber a la ni.
Chart No.1 hlui bawk Billie Eilish ‘Birds of a Feather’ chu No.3-ah bawk a la awm a,Oscar Maydon leh Fuerza Regida ‘Tu Boda’ chu No.4-ah bawk la awmin, chart No.1 hlui Sabrina Carpenter ‘Espresso’ chu No.5-ah bawk a la awm.
Gracie Abrams ‘That’s So True’-in stream maktaduai 44.3 leh sales 3,000 neiin, No.21 atangin No.6-ah a invawrh a, a YouTube channel-ah a love performance video an dah thar a, hei hian a hla a tilar thar leh ta a ni. ‘That’s So True’ hi Gracie Abrams hla he chart top 10-a lang thei hmasa ber a ni.
Billboard Global 200 Top 10:
1 APT. – ROSE & Bruno Mars
2 Die With A Smile – Lady Gaga & Bruno Mars
3 Birds Of A Feather – Billie Eilish
4 Tu Boda – Oscar Maydon & Fuerza Regida
5 Espresso – Sabrina Carpenter
6 That’s So True – Gracie Abrams
7 Taste – Sabrina Carpenter
8 Beautiful Things – Benson Boone
9 Lose Control – Teddy Swims
10 Good Luck, Babe! – Chappell Roan