Rev.Dr.H. Killuaia boral

Rev.Dr.H. Killuaia boral
Baptist Church of Mizoram (BCM) pastor chhuanvâwrte zinga mi Rev. Dr. H Killuaia (87) chuan tukin (11.7.2025) zing dar 1:00 khan Trinity Hospital, Aizawl-ah chatuan ram a pan.
Rev Dr. H Killuaia hi natna eng eng emaw insawiselna a neih avangin June 13, 2025 khan Lunglei atangin helicopter-in Aizawl pheipui a ni. Natna hi a lo fawmkem ve deuh a, pneumonia, chuapa tuitling siah chhuah ngaite a ni.
Hun eng emaw chen Aizawl damdawi in hrang hranga enkawl a nih hnuah tukin dar 01:00 vel khan a rawng a bawlsak Lalpa hnenah a châwl hahdam ta a ni.
Rev H Killuaia hi pastor atanga a chawlh (retired) hnuah pawh thusawia sawmtu an awm chhunzawm reng. Chumai bakah, ziakmi niin lehkhabu 33 a ziah tawh bakah a hi 84 a phuah tawh.
A hla phuah lar zual deuhte chu -’Lalpa min tawngtaitir rawh’ tih te, ‘Indona’ tih te chu ram pum huam hla lâr leh tha kan neih zinga mi a ni.