Roxette “It Must Have Been Love” YouTube-ah 1B view a kai ve ta

Roxette “It Must Have Been Love”
YouTube-ah 1B view a kai ve ta
A vanglaia kan ramah pawh sap hla kan hriatlar tak Roxette “It Must Have Been Love” music video chuan YouTube-ah vawi tlukledingawn en a hlawh ta a, Roxette video zinga hetiang zat view kai thei awmchhun a la ni. He hla hi an tlangzarh atanga kum 40 dawn a ral hnuah YouTube Billion Views Club-ah a tel ve thei dawn ta a ni.
Swedish pop duo Marie Fredriksson leh Per Gessle te din Roxette hla hit “It Must Have Been Love’ hi 1987-a an tlangzarh kha niin, a music video-ah hian romantic comedy film lar zet mai Julia Roberts leh Richard Gere te channa ‘Pretty Woman’ clip te pawh an tilang a, he hla hi a film official soundtrack-ah pawh an hmang tel a, a film tawp lam scene lungkai laia a hla hi an hmang a ni.
Pretty Women hi 1990 khan cinema hall-ah an tichhuak a, film entu te chu Roxette ballad lungkuai zet mai zunah an uai ta hlawm a, US-ah pawh a hla hian lar phah a, chu chuan khawvelah a vawrh chhuak ta a ni. “It Must Have Been Lov” hi 1990 khan Billboard Hot 100 (US singles) chart-ah No.1 a kai a, kar hnih chhung a No.1 thei a, hemi hnuah Roxette hian he chart-a No.1 kai thei hla dang pathum an neih belh leh bawk.
Roxette hian Hot 100 chart-a lang thei hla 12 an nei a, Billboard 200 (US albums) chart-a lang thei album pathum an nei bawk. Roxette singer Marie Fredriksson ian 2002 khan brain tumor a nei tih hriatchhuah a ni a, a inenkawl fê hnuah stage-ah rawn inlan leh theiin, 2009 khan Roxette comeback tour an nei a, chutah doctor-te rawn angin 2016 atangin live performance a chawlhsan a, tichuan kum 17 chhung cancer natna nen an inbuan hnuah 2019 khan Marie Fredriksson chuan mual a liam ta a ni.
Marie thih hnuah Per Gessle chuan Roxette chhawm nung zelin, tunlai hian Europe-ah Live – Back Again! 2026 tour neiin, an debut album kum 40 tlin champha an hmang mek a, lineup-ah hian Per Gessle bakah Swedish star Lena Philipsson chuan lead vocals a chang ta a ni.