Ruihhlo a donaah Manipur CM-in Assam CM fak

Ruihhlo a donaah Manipur CM-in Assam CM fak
Manipur Chief Minister N Biren Singh chuan Assam Chief Minister Himanta Biswa Sarma chu dan lova poppy chin leh ruihhlo dona kawnga na taka a chet avangin a fak.
State pahnihte hi ruihhlovin a tihbuai loh thalaite khawvel din turin theihtawp an chhuah tih a sawi bawk.
Sarma-a’n X-a an state-a poppy chin an tihchhiat thu a post chhan pahin Singh hian Pathiannia Imphal West district-a hun a hmannaah, “Assam chief minister hi ka fak a. Ruihhlo donaah nasa takin a thawk reng a, ruihhlo laka chhuantharte hun turin kan inlungrual hle a ni,” a ti.
A hnuah X-ah Singh hian dan lova poppy chin laka khauh taka a chet avangin Assam chief minister hi a fak thu a tar lang leh bawk.
“Chief minister zahawm tak, Pu Himanta Biswa-a kaihhruaia Assam-a poppy chin laka hmalakna hi ka fak hle a ni,” a ti.
“Hmarchhaka kan thalaite huma ruihhlovin thla a zar hnan loh an nih theih nan tum thuhmun kan nei a ni,” tiin Manipur chief minister hian a tar lang bawk.
Assam chief minister hian Pathianni khan bigha 170-a zauva poppy chin, Rs. vaibelchhe 27 chuang man tur chu January thla chhung khan Goalpara district-ah tihchhiat a nih thu X-ah a lo tar lang tawh.
Video a dah chhuahah police thahnem tak awmna hmuna tractor hmanga poppy tihchhiat lai a lang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More