Ruihhlo that loh zia inzirtir dan tur duang

Khawzawl District Narcotics Coordination Center (NCORD) chu an chairman, bawrhsap K Lalrohlua hoin Nilaini khan an thukhawm a, ruihhlo laka him tura inzirtirna kalpui dan tur sawi a ni.
Khawzawl SP Lalchhuanthanga report danin, an district chu NCORD-a district titha ber pawl a ni a. Kumin October leh November chhungin an district-ah ruihhlo man a awm lo a, inthlan vuakvetah zu cheng nuai 13 man hu man a ni thung. Police hian zu siamna hmun leh lirthei dapin ‘special drive’ ngawrh takin an nei thin a, Khawzawl Kawnzar Vengin Anti-Drugs Squad an din a, ruihhlo leh zu dapin ‘special drive’ ngawrh takin an kalpui a ni.
Kumin chhungin khaw 28-ah ruihhlo that loh zia inhrilhhriatna neih tum a ni a, kumin chhunga awareness an neih theih tak lohna khua zawng zawngah December thla chhunga neih hman vek tum a ni
CodNerc lam report danin, Khualen leh Neihdawnah awareness campaign an nei tawh a. December thla chhungin Kawlkulhah neih leh tum a ni. District Hospital Khawzawl atanga report danin, Arro, Pamchung leh Dulteah awareness campaign an nei tawh a, hmabak an la neihte hlenchhuah an tum a ni.
December 4-8 chhung hian Govt. Khawzawl Higher Secondary School-ah ‘ruihhlo do’ chungchang joint awareness campaign neih nise, ruihhloa la inhnamhnawih ve lo te venhim an tul zia zau zawka hrilhriat an nih theih nan programme hman nise, tiin an rel.