Ruihhlo tihrem hmalakna hmasa zinga neih a ngai – Dr Lalmalsawma
Ruihhlo avangin Mizo thalai an thi nasa a, ruihhlo do leh tih rem chu hmalakna hmasa zinga negih ngai a ni tih Congress treasurer Dr Lalmalsawma Nghaka chuan a sawi.
YMA Mualpui Branch YMA huamchhunga Mualpui Sporting Club buatsaih, Football League final khelh a hmanpuinaah Dr Lalmalsawma Nghaka chuan thalaite zingah ruihhloin a tihbuai an tam hle tih sawiin, “Nikum kumtluana ruihhlo avanga thi aiin kumin kum chanve chhunga thi an tam tawh zawk a. Ruihhlo do hi hmalakna hmasa berte zing ami a nih a ngai,” a ti. Ruihhlo laka fihlim turin infiammite leh mipui a chah tih a sawi a ni.
YMA chu Kristianna vawngnungtu pawl lian ber a ni, tiin, Zosapten Zonun zemawi min humhalh sak an duh avangin he pawl hi min din sak a ni tih hrereng turin YMA member-te a chah tih a sawi a. Tuna YMA member ni mekte chu tlawmngaihna leh thuhnuairawlhna nun nen Zonun zemawi chu chhawmnun zel a ngai tih a sawi a ni.