Ruihtheih do beihpui thlak tum

Vaivakawn khawtlang chuan Inrinni khan Vaivakawn huamchhung, Sairang kawngpuiah “Zu leh ruihhlo do beihpui thlak” hawnna an hmang a, Aizawl West II bialtu MLA, Excise & Narcotics minister Lalnghinglova Hmar chuan a hmanpui.
Minister chuan Vaivakawn mipuiin tangruala ruihhlo do an tum chu tha a tih thu a sawi a, an khawtlang hruaitute nen ruihhlo do beihpui thlak chungchangah tum thum an inkawm tawh tih sawiin, hun, sum leh tha a duh avangin an huphurh pawh awm a tihpui a, mah se, khawtlang kalkhawmin zu leh ruihhlo laka fihlim veng ni turin huaisen taka thutlukna siam an ni tih a sawi. Sawrkar nen thawhhona tha tak an neih a, theihtawp an chhuah chuan an tum a hlawhtlin ngei a ring tih a sawi bawk.
Sum leh pai lamah theih anga tanpui a tum tih sawiin, Vaivakawn Local Council hnenah Rs. 20000 a hlan.