Russia-in Belarus-ah nuclear ralthuam dah

Belarusian opposition leader an ram tlanchhiatsana awm mek Svetlana Tikhanovskyaa chuan Russia atanga nuclear weapons te Belarus ‘crazy dictator’ Alexander Lukashenko kuta dah chu thil hlauhawm tawp tiin Lukashsenko an an ramah ‘missiles leh bombs’ hmasa ber an lo thleng ta tia a sawi hnuah a sawi.
Tikashenko chuan Western politician te chu kum 1991-a USSR kehchhiat hnua tactical nuclear weapons Russia ram pawna dah hmasak berah ngawih an chuh avangin a sawisel na hle a.
Lukashenko hi Belarus authoritarian leader niin Russian state TV presenter a kawmnaah Belarusian countrysife ah military truck leh hardware te chu fimkhur takin dah mekin a awm tiin a sawi a.
TV presenter-in sawi chiang deuh tura a tihnaah Belarus chuan ralthuam pawimawh chu a dawn tawh thu sawiin an beisei aia hmaa an dawn thu sawiin Lukashenko chuan ‘A vai chuan kan la dawng lo, a tahtawl zelin’ tiin a sawi zui bawk.
Lukashenko hi Russian key ally tia sawi niin February 2022 a Putin an Ukraine a run pawh langsar taka fak ngat a ni.
Lukashenko thusawi hian khawthlang ramte chu a sawinghing hle tura ngaih niin Lukashenko chuan Russian bomb an dawn te chu Indopui II laia US in Nagasaki leh Hiroshima a thlak bomb te aiin ‘a let thumin a hlauhawm zawk’ tiin a sawi bawk.
Russian President Vladimir Putin hnenah ka ngen saltliah mai lo va, a nawrin ka nawr a ni a ti bawk a. “A ngiatin ka ngiat a lawm” tia sawiin ram pawn atanga beihna an tawn theih laka him nan a tul tiin a sawi bawk a.
Lukashenko hian kum 1994 atangin thuneihna a chang tawh a, kum 2020 khan inthlanah chakna a chang leh a, chu erawh sel a hlawh hle a, lungawilohna nasa tak lantir pawh Belarusian KGB security service leh police te chuan an tudai zui a ni.
Ukraine leh Kazakhstan te ang bawkin Belarus hian kum 1990 chho khan an nuclear arsenal chu Khawthlang ram tena security an tiam angin an pe let vek a ni.
Putin chuan March thla tawh khan Belarus hnenah nuclear ralthuam pek a tum thu a lo sawi tawh a, chhuanlam a siamah US pawhin Europe-ah ralthuam a bun a lawm a ti. Mahse, Putin chuan nuclear ralthuam dahna turte uluk taka peih fel a nih hunah chauh a ti a, a hnuah Lukashenko chuan Belarus chuan ‘thingtlang ui te aiin storage site an ngah zawk’ tiin a sawi zui a ni.
Moscow chuan Belarus hnenah hian long-range strategic weapons ni lo tactical weapons chauh a pe ang a ti thung a. “US beih tumin ka inruahman lo, tactical weapons te hi a tawk” tiin Lukashenko chuan a sawi a, “Iskander rocket te hian 500 kilometre aia thui mah an kap pha,” tiin a sawi bawk.
“Heng tactical weapons dah te hi Nato ramte tana hlauhawm lem lo a nih avangin an ngai pawimawh lo a ni,” tiin Tikhanovskaya chuan a sawi. Russia hian a nuclear weapons te chu western-most Kaliningrad region-ah bun tawhin Poland leh Baltic States te chu duhthusamin a kap pha a ni.
“Belarus hi kan ram a ni a, nuclear weapons kan duh lo,” tia sawiin Tihanovskaya chuan, “Independence kan nih nana pawimawh a ni a, mahse, Khawthlang ram ten ngawih an chuh tlat si,” tiin Tihanovskaya chuan a sawi.