Russia-in Ukraine khawchhak a beihnaah mi pathum thi

Russian-te beihna avangin Ukraine khawchhak lama Kramatorsk khawpuiah mi pathum an thi a, mi 13 dangin hliam an tuar niin police-ten an sawi a, hei hi ramri hrula inbeihna nasatna hmuna beihpui a thlak tam tak zinga pakhat a ni.
Ukraine national police chuan thi zingah hian mipa naupang kum 13 mi a tel tih an sawi a. Thuchhuah siamin Russian sipaite chuan Kramatorsk an beihnaah hian glide bomb an hmang tih a tar lang a, kum li chhung zet Kyiv leh Moscow an indo tawh chhunga an beih fo khawpui a ni.
Kramatorsk beihna hi Pathiannia thleng niin thawh hniha beih niin a hmasa zawk reh fel hnu darkar hnih velah beih thar a ni.
Russia-in a beihnaa a tihbuai khawpui dangte chu a bul hnaia Oleksiievo-Druzhkivka khua leh hmar lam deuhva Sloviansk khawpui a ni.
Kramatorsk leh Sloviansk hi khawpui venhimna nasa tak nei, ‘fortress belt’ tia vuah chunga awm an ni a, Russia-in khawthlang lam zawi zawia pana Donetsk region lak tuma hma a lakna kawngah a bitum pawimawh tak a ni.
Indonaa thil thleng sawite hi chanchinbute chuan finfiahna chiang tak erawh an la nei thei lo.