S Club 7 member Paul Cattermole a thi

S Club 7 member Paul Cattermole a thi
S Club 7 member Paul Cattermole, kum 46, chu Dorset, England-a a chenna inah a thu tih an puang. A bandmate te cuan S Club 7 official social media channel hrang hrang an chhiat tawh thu hi puangin, “Kan unaupa Paul a boral thu hian min tihrehawm tak zet a ni. Kan tawrhna nasa tak leh kan chânna nasat zia hi thu a sawi chhuah theih a ni lo. Kan nuna ani kan lo nei hi kan vannei takzet a, thamral lo tur mitthla tam tak min hnutchhiah te hi kan lawmna a ni. Kan zavaiin kan ngai takzet a ni. He hun khirh leh harsa an tawh lai chuan an chhungkaw privacy zah sak turin kan ngen che u a ni,” an ti.
Cattermole thihna hian British pop group S Club 7 hi a barakhaih hle a, a member pui Rachel Stevens, Hannah Spearritt, Tina Barrett, Jon Lee, Jo O’Meara leh Bradley McIntosh te nen hian February thla kalta khan an kum 25 tlin champha lawm nan UK leh Ireland-ah kumin, kum chawhnu lamah tour neih an tum thu te an puang kha a ni a, London O2 Arena-a zan thum show an neih tur ticket pawh an hralh zo vek tawh nghe nghe a ni.
S Club 7 hian Billboard Hot 100 chart Top 10 kai thei hla pakhat chauh an nei nain, an vanglai, 2000s khan an hla ‘Never Had a Dream Come True’ an larpui hle a, UK-ah chuan album chart-a top three kai thei album pathum neiin, an hla 13 te chu UK Official Singles chart-ah top 5 a kai vek a, pali hi No.1 a kai nghe nghe a ni.
An group album hmasa pathum-ah Cattermole hi lead vocals niin, ‘Love Train, ‘Good Times’ leh ‘Summertime Feeling’ te an larpui hle. An group member tho Hannah Spearritt nen 2001-ah an indate zal a, 201-ah an ‘ni’ leh zual bawk. Cattermole hian 2002-a band a chhuahsan a, nu-metal band Skua a din a, mahse, an daih rei lo. Group a chhuahsan hnuah a bandmate dang ten an hminga ‘7’ chu paihin ‘S Club’ tih ngawtin an han tiho leh naw naw a, mahse, June 2003-ah an kehdarh ta a ni.
Cattermole hian O’Meare leh McIntosh te nen S Club 3 an din a, Barrett pawh a tel ve leh a, mase, hei pawh hi an daih rei ta lo, 2014 tawp lamah S Club 7 reunion tour an nei a, tunah hian an kum 25 tlin lawm nan tour neih tuma an inpuahchah leh mek lai a ni.